Bilboko Hika Ateneo topaketa eta eztabaida tokia da. Eztabaidatzeko elkartu egiten gara eta elkartzen garen tokian eztabaidatzen dugu, pertsona guztiak errespetatuz eta ideia guztiak dudatan jarriz.
Kultura eta artearen gainean eztabaidatzen dugu, baita arazo sozial eta nazionalen gainean, gizaki eta sexu kontuen gainean, politika txikiaz eta handiaz, eztabaidatu daitekeen ororen gainean eztabaidatzen dugu gustukoa dugulako eta ikasi nahi dugulako. Besteengandik ikasten dugu, besteek gugandik.
Horretaz gain, musika, erakusketak eta antzerkiak ere antolatzen ditugu eta zineforumak eta liburuforumak, mendi honetara ala bestera joatearen gainean ere eztabaidatzen dugu edo zeozer jan ala ez jatearen gainean makrobiotika taldetik. Emakume edo garapen taldearekin osotzen den ardura-sorta zabala.
Ateneoa Euskal Herriko kolektibo sozial, sindikal eta politikoen topagunea ere bada, mahai baten inguruan bildu eta euren lokala ez duten horiena. Horretaz gain sozietate gastronomiko modura ere erabiltzen da, oturuntza ederrak eztabaida sakon zein betiko abestien lagun.