Mobidu Gazte Asanblada 2016aren urri aldera hasi zen biltzen, Bakioko gazte mugimendua berpizteko helburuarekin. Hasieratik argi geneukan hori lortzeko bidea gaztetxea zela, beraz, lanean hasi ginen, aukera desberdinak baloratuz, eta maiatzean Atxulon sartu ginen, auzolan luze eta gogor askoren ostean, uztailaren 1ean inauguratu zena.
Astero auzolan egun bat eta asanbalda bat burutzen dira, eta asanblada horretan hurrengo auzolanean egin beharrekoak eta gaztetxean egingo diren jarduera ezberdinak erabakitzen dira. Gure helburua autogestioan eta kolektibotasunean oinarrituz kontrabotere espazio bat sortzea da, beste gizarte eredu baten eraikuntzan ekarpena egiteko asmoz.