ATGA 2002an sortu genuen herrian gazteon parte hartzea sendotzeko helburuarekin. Herriari bizitasuna eman bertan eragiteko, hainbat ekintza antolatzen dugu: mendi martxak, tailerrak, hitzaldiak, bideo emanaldiak, kontzertuak, jaialdiak, mobilizazioak…
Asanblada orokorren bidez antolatzen gara, eta horiek dira erabaki-eremu nagusiak. Halere, unean unean sortzen ditugun azpitaldeen bidez eramaten ditugu aurrera egitasmoak. Egungo erronka nagusia da gazte asanblada indartzen jarraitzea, bai inplikazio aldetik, eta baita ere antolatzen ditugun jarduera eta ekintzen aldetik. Horrez gain, momentu honetan baditugu beste bi helburu:
1.- Gaztetxea eraikitzea, espazio aske baten beharrari erantzuteko.
2.- Herriko ordena apurtzea, Eliza eta antzerako lekuz kanpoko indarrei gerra publikoa deklaratzea. Hau, herri pekatari batean bizitzeak eragiten duen plazer ia jasanezinaren aldarrikapenari jarraituz egingo dugu. Argitzen duen eliza bakarra sutan dagoena bada, ederto pasatuko dugu su inguruan dantzan. Baga biga higa, arma tiro pum!