Andoaingo Udalak modu desegokian bota zuen Euskal Herriko okupazio mugimendutik kontzertuak eskaintzen lehenengoetarikoa izan zen gaztetxe zaharra. 1984an jarri genuen martxan, eta hamabi urteko bizitza izan zuen. Ekintza desegoki horren trukean, Udalak egungo eraikina utzi zigun, eta bertako uraren eta argiaren gastuak bere gain hartzen ditu. 1996tik gaude egungo gaztetxean.
Astero egiten dugu asanblada, eta bertan hartzen ditugu erabaki esanguratsuenak. Beraz, bertako funtzionamendua modu autogestionatuan egiten ahalegintzen gara. Hauek dira egungo erronketako batzuk:
- Jende gehiagok parte hartzea eta, bereziki, gazteen parte- hartzea handiagoa izatea lortzea.
- Ahalik eta modu autogestionatuenean herriari aisialdi eta kultura alternatiboa eskaintzea.
- Elkartasuna, elkarlana, auzolana… bezalako baloreak transmititzea eta belaunaldi desberdinetako pertsonen arteko harremana sustatzea.