1988ko apirilaren 28an, San Prudentzio egunean, egun Gasteizko Gaztetxea dena okupatu zuten 250 gaztek. Historia osoan zehar, Alfonso Alonso alkate zela izan genuen desalojo arrisku handiena. Halere, hiritarrek erekutsi zuten elkartasunaren ostean, bertan behera gelditu ziren Alonsoren asmo horiek. Ordutik, Gaztetxe eguna ospatu zen 2005ean eta Piztu Gasteiz (HalaBedi Irratiarekin batera) 2008an.

Eraikinaren jabego ofiziala udaletxearena da; garai batean elkarrekin bilera batzuk egin genituen arren, ez genituen jartzen zizkiguten baldintzak onartu eta gaztetxeak bere horretan jarraitzen du. Egun, ez dugu inolako harremanik mantentzen gobernuan dagoen taldearekin. Plangintza zabala eskeintzen du Gaztetxeak.

Gasteizko kolektiboentzako gunea da, eta astebururo egoten dira jaialdiak edota kontzertuak. Erronka nagusia astean zehar ere zabalik egotea eta eskaintza zabala izatea da, hau da, asteburuetako jaialdiez gain, astean zehar tailerrak ere antolatzea.